قصص رعب

سهرة في المشرحة

كنا حينها سعداء جدا
ومحبين جدا
وعاشقين جدا
ومخلصين جدا
أقسم أننى لم أعرف طوال ما يقارب الخمسة و ثلاثون ربيعا سعادة كتلك…. كنا نفيض حلما وجمالا ……… كنت أستبق التاريخ ليوم لم يجئ بعد …. لكنني لم أفطن أبدا أنه لا بد لهذا الحب العشقىّ الثنائى العنيف من ثالوث يكمل اضلاعه حتى يأتى حلمه ….. ضلع القدر.
وقبل أن يتحول حبنا من عشق ثنائي مهول إلى حب مثلث الأطراف كل زواياه متساوية، ومن لعبة شطرنج يحكمها لاعبان متقابلان، ويملأ الحب فيها كل المربعات السوداء والبيضاء، بقانون المد والجزر العشقي، إلى لعبة كوتشينة ثلاثية نجلس حولها أنا وأنتِ والموت ، بأوراقنا المقلوبة، وأحزاننا المقلوبة وأفراحنا المسلوبة، بنبضات قلبينا المشتركة، بذاكرتنا المشتركة، نتربّص ببعضنا ونخلق قوانين جديدة للحب.. نزوّر الأوراق التي نملك النسخ نفسها منها، نحتال على منطق الأشياء لا ليربح أحدنا الجولة، وإنما لكي لا يكون بيننا من خاسر، وحتى تكون نهايتنا أكثر جمالا من البداية. 
لم يكن لى وعي كامل بالموت …. كنت أؤمن حينها أن العشق اسم ثنائي لا مكان فيه لطرف ثالث. و حتي عندما تحوّل إلى مثلث، كنت أعتقد أنه سيُبقي علي سعاداتنا المشتركة… لكنه ابتلع كما يبتلع مثلث “برمودا” كل الافراح والأشواق التي تعبره خطأ…………. ولم يبقى لنا منه سوى سعادة الذكري و قبضة الموت الى حين قريب.

في مرة الحب التالية لزاما عليّ أن أضع شيئاً من الترتيب في علاقتنا …… لأثبت للضلع الثالث أنه لا زال قلب هذا المعتوه ينزف عشقا… وحيث نقسم ونحن فى عناقنا أننا سنتحمل أكثر لنحسم هذه الأمور المؤلمة التي فد تاتي يوما.. 
لنتفق فى قبلة شرف أن لا حزن بعد اليوم ………. ولا وجع بعد اليوم

لزاما عليّ أن تكون حبيبتي خليّتي السرية، أوراق انتمائي السرية. 
هزائمي وانتصاراتي، حججي وقناعاتي، عمراً سرّياً لعمرٍ آخر. 
انا الذي كنت أضع أحلامى ورغباتى حيّز التنفيذ حين أريد.. سأصبح عنيدا لدرجة ملاعبة الموت نفسه في مكر
سأنام وأصحو معها سنوات ، وأغتصبها حتّى في غفوتي..
هنا القاهرة…. التي لا بد أن أغيّر واقعها المريض
و هناك مدن كالنساء، تهزمك أسماؤها مسبقاً. تغريك وتربكك، تملأك وتفرغك، وتجرّدك ذاكرتها من كل مشاريعك، لتصبح الوحدة كل برنامجك. 
هنالك مدن.. لم تخلق الا لتكون فيها بمفردك. لتتجول وتنام وتقوم فيها.. وتتناول فطور الصباح وحيداً. 
هنالك مدن جميلة كذكرى، قريبة كدمعة، موجعة كحسرة.. 
هنالك مدن.. كم تشبهنى 
فكيف أحب في مدينة كالقاهرة ؟! 
حسنا…. سأرسم لها كل ليلة شكلا جديدا وايقاعا أكثر جمالا 
…. سأخترع حبّا جديدا مع منازل الكورنيش العالية بأطباق الدش عليها… و مساكن العشوائيات البدائية بسقوفها القرميدية الحمراء.. مع بدائية الطرق حينا.. و تنظيمها أحيانا.. مع أشجار الكافور الثقيلة.. مع الفراغ.. مع المياه.. مع الشمس.. مع ذاكرة طفولة. 
سأخترع حبا يأتي علي المقاهي.. و في المولات… مع العطور والأصوات والوجوه، مع سمرة البنات الصغيرات وشعرهن الحالك. 
لا فائدة.. 
لا زلتِ جزء من تلك المدينة أيضاً.. فهل كل المدن أنت؟.. أم كل الجمال أنت؟ 
مر الزمان يا رفيقة وأنت مازلت كمياه النيل، رقراقة الحنين.. تحملين طعماً مميزاً لا علاقة له بالمياه المعبأة معدنيا وقادمة من آبار . 
مر الزمن، وصوتك مازال يأتي كصدى نوافير المياه وقت السّحر، في ذاكرة القصور العربية المهجورة، عندما يفاجئ المساء الكون بروعته، فيتفاجأ الكون بروعتك..

اعذرينى فقط واغفرى لى أيام برودتي معك… كنت كطفل أشعر بالبرد وباليتم دونك؟
كنت أتذكر عقدة يتمي وخوفي من مواسم الصقيع؟ 
انا أحبك
تحبك كل خلية فى جسدى …. كل أدواتى وثيابى وأموالى وكل شئ لمسته يوما زرعت اسمك فيه دون أن أدرى
اشتقت ابتسامتك …. تلك التى منذ عرفتك وأنتى ترتدينها ثوبا يليق بكل المناسبات…. كيف كنت أُثير أحزانك؟!! 
من يُحزن شجرة برتقال بتهمة الوفاء؟
من يُبكى معزوفة لبيتهوفن بتهمة النقاء؟
يا امرأة الدهشة
انقضى زمان أحزانك…… و بدأت أوركسترا احزاني….. مؤلمة هي الأحزان علي رجل السعادات المؤكدة حيثما حلّ و ارتحل.. علي رجل كان يستحيل علي رجل آخر أن يطأ مضاربه… اليتيم من فقد أمه.. أما المفجوع من خسر حبيبته…

محمد

النهاردة مش هحكي قصة….انا هحكي سهرة بكل تفاصيلها…..
سهرة داخل المشرحة من ١٢ بالليل ل٥ الصبح في وجودي أنا و شعبان والشيخ سعيد😁… سهرة غريبة الأحداث.. و استثنائية… لكن تليق بكم 😉
المكان…مشرحة زينهم
الزمان ،،،أغسطس ٢٠١٦
التوقيت،،،الثانية عشر ليلاً
قاعد في الأوضة الجديدة بئا جنب التلاجات والجو حلو 🥰
نسمة هوا ليلية باردة مع فريون التلاجات وبكتب تقرير فيه اعدام وانا مبسوط و عامل دماغ 😁
و بسمع صباح فخري ….قل للمليحة في الخمار الأسود ،،ماذا فعلت بناسك متعبد..قد كان شمر للصلاة ثيابه لما وقفتي بباب المسجد🥰
فجأة 🤫
لقيت المجنون واقف ع الباب😁 …
وبيقولي،،،انت كمان يا رياسة بتحب الأغنية دي؟؟؟
انا والله كمان بحبها جداً بس بعدل كلماتها و انا بغنيها 😁
قولتلو ازاي يعني بتعدل كلماتها يا شعبان،؟؟؟
قالي شوف يا رياسة 😁
قل للمليحة فالخمار الأسود ،،،قد كان يوماً بائساً ما أقبحه ..
لما أتيت بكل حقد ظاهر و وقفت لي عند باب المشرحة 😔
قولتله اطلع برة يالا 😏
رد قال طب بلاش دي يا رياسة اسمع دي …🤔
قل للمليحة في الخمار الجديد…حين أغلقت في وجهها الباب الحديد..
فظننت انها رحلت وهي باكية !!!!!! أتاريها لفتلي من أوضة الشيخ سعيد 😁
حدفته بدفتر كان قدامي.. انت عاوز ايه يا شعبان؟؟
قالي انت ليه يا ريس فاهم اني فاضي و جاي أضيع وقتي معاك؟؟؟…. انا مش فاضي لمعاليك علي فكرة😂
فيه جثة عاوز تشتغلها اشتغلها مش عاوز براحتك 😏… و انا هبلغ مكتب الوزير بفاكس ان الرياسة ممتنع عن العمل 🙄
مردتش عليه ،،،،بصيتله بصه بيخاف منها 🤫
قال صباح الفل يا رياسة ….😛
ما تيجي تشتغلها انت والنبي يا ريس قبل ما هشام يجي يستلم مكاني عشان عاوز امشي بدري و دة عيل دماغة ضايعة منه …😏قولتله ضايعة منه؟؟؟😒
هات مذكرة التشريح….
المذكرة مكتوبة كالتالي ،،،،
السيد مدير عام مشرحة زينهم ….تحية طيبة و بعد،،،مرسل الي سيادتكم جثمان المتوفاة الي رحمة مولاها ،،،مجهولة الاسم و الهوية …والتي تم العثور علي جثتها ملقاة بطريق القاهرة السويس الصحراوي …الرجاء من سيادتكم إجراء الصفة التشريحية لجثمان المتوفاة لبيان سبب وكيفية و توقيت الوفاة..
.مفيش تفاصيل 🤔
علي بركة الله😁 
جهزها يا شعبان و انا جاي …أخد الورقة و طلع و هو بيغني في كوريدور التلاجات قل للمليحة 
وكان من عادته كل ما يمر في كوريدور التلاجات يسلم عليهم ويقولهم مساء الفل يا رجالة 😂
عملت اميريكان كوفي شربتها و لبست وطلعت للقاعة،،،الجثة عالترابيزة و البيه مش موجود ،،،،
اخدت لفتين حوالين الجثة…بنت شابة مش لابسة غير عباية سودا
مفيش ملابس داخلية ،،،ملامحها مش مصرية ،،،فيه آثار لحقن في ايديها اليمين ،،،واضح انها كانت حالة تعاطي مخدرات و اصحابها رموها ….ناديت علي شعبان
يا شعبااااان 😠
قال بطريقة القهوجية بتاعته أيووووووة جاااااي 
لا مؤاخذة يا رياسة كنت بكتب الحالة في الدفتر 
و بدأ يغني و يقلد صباح فخري،،،،لا تزعقلي ✋🏻✋🏻✋🏻✋🏻✋🏻
بحق دين محمد…😁
قولتله ياللا البس الجوانتي خلينا نشتغل وبدأت الريكوردينج

الجثة لأنثي في نهاية العشرينات من العمر عربية الملامح متوسطة القامة و ضخمة البنية،،،ترتدي عباءة سوداء اللون عليها تلوثات ترابية خالية من القطوع و التمزقات و التلوثات المشتبهة و لا يوجد أي ملابس داخلية و الجثة في حالة تيبس رمي و الرسوب الدموي بلون بنفسجي داكن بخلفية الجثة عدا مواضع الإتكاء،،،،
و التعفن الرمي لم يتضح ظاهرياً بعد،،،،هذا و قد تبينا آثار حقن حيوية حديثة بباطن المرفق الأيمن تشير إلي تعاطي مادة معينة
وقفت الريكوردينج ،،،خيالي فوراً راح علي مخدرات،،،
و دي ميزة بتميز أي طبيب شرعي،،،ان دايما خياله شغال أثناء تشريح أي جثمان ،،، لحد ما أفكاره بتوصله لنقطة معينة…خياله ممكن يتغير خلال فترة التشريح كذا مرة.. و هو بيفتكر حالة مرت عليه او اتعرضت قبل كدة علشان يوصل للاحتمال السليم ،،،
خيالي جاب أنها كانت قاعدة مع مجموعة شباب و أخدت جرعة زيادة 😢
وماتت و رموها في أي مكان و غالباً اعتمدوا علي أنها مش مصرية زي ماهو واضح من ملامحها فمحدش هيدور عليها…حالة لا فيها إثارة و لا زفت علي آخر الليل😏…تمام…شيل يا مجنون الهدوم دي خلينا نخلص
شال الهدوم و انا قاعد بدوّن في مسودة التقرير بتاعتي ،،،ان الحالة مخدرات…وكان الموضوع بالنسبة لي منتهي وهثبته دلوقتي اول اما احلل العينات و الاقيها حاقنة بودرة و لا مورفين ولا ماكس😌
ببص عالجثة و انا بكتب،،،فجأة وقفت الكتابة و جيت مقطع الورقة الي كتبتها و انا حاسس برضا نفسي و دفعة الأدرينالين الي بعشقها و انا متجه للجثة و شعبان واقف بيقول هو ايه ده يا رياسة؟؟؟😏
شغلت الريكوردينج…
إصابة حيوية حديثة بأعلي يمين الصدر بطول ١سم خطية الشكل مائلة الوضع علي يمين الخط المنصف للجسم …بمقدار ١١ سم يقابلها في ذات الموضع تماماً علي الناحية اليسري للصدر إصابة مطابقة لها بنفس الطول و الشكل و المواصفات ..
٢-اصابة حيوية حديثة بأعلي يمين البطن بطول ١ سم خطية الشكل مائلة الوضع علي يمين الخط المنصف للبطن بمقدار ١٣ سم ..يقابلها في ذات الموضع تماما علي الناحية اليسري للبطن إصابة مطابقة لها بنفس الطول و الشكل و المواصفات
٣-اصابة حيوية حديثة بأسفل يمين البطن بطول ١سم خطية الطول والشكل مائلة الوضع علي يمين الخط المنصف للبطن بمقدار ١٢سم يقابلها في ذات الموضع تماما علي الناحية اليسري للبطن إصابة مطابقة لها بنفس الطول و الشكل و المواصفات ..
هو دة الكلام🤔
إيه ده بئا،؟؟هل ماتت من الجروح دي؟؟؟الجروح كلها غير نافذة تماماً لا تؤدي للوفاة…الجروح كلها سطحية
طيب…انا اعرف كويس ان فيه حالات كتير بتكون مازوشية 
بمعني انها بتعشق احداث اصابات فيها اثناء ممارسة علاقة جنسية……. و قد يكون رفيقها سادي مثلاً وبيحدث إصابات في رفيقته دة افتراض جديد قوي تماماً….
يفسره آثار الحقن و عدم وجود ملابس داخلية و واضح انها كانت عارية أثناء ممارسة علاقة معاه بعد ما تعاطت مخدرات و بعدها ماتت مباشرة فلبسها أي عباية و أخدها رماها…
هو ده الكلام 💪🏻

بطبيعتي،،،،فيه حالات معينة بمجرد ما ادخل القاعة أحب أبص علي وشها …
بحس جوايا بإحساس معين برجفة في القلب دايما مرتبط الإحساس دة بحسن الخواتيم و الشخصيات ذات النهاية الرائعة🤲…. أما باقي الجثث ..فدايما مابركزش مع ملامح الوجه ككل الا اما اوصل لسبب الوفاة،،مابحبش أبص للوجه الأول علشان مايوجهنيش في اتجاه معين …ببقي عاوز انهي التشريح الأول و بعدين أبص علي الوجه و نظرتي علي الوجه بتبقي دايماً علشان عاوز اترجم سبب الوفاة مع ملامح الوجه لدافع شخصي عاوز يوصل لاقتناع معين ..
و والله دايما الاقتناع ده بيتأكد ،،،
بدأت أقتنع بالتفكير الأخير .،،،،
مخدرات مع علاقة جنسية شاذة سواء مازوشية من طرفها أو سادية من الطرف الآخر!…… صاحبها حدوث وفاة 
و إن كنت لا زلت غير مقتنع بمدي الدقة في تطابق الإصابات علي اليمين و علي اليسار إلا إنه قد يكون فنان أو رسام بيحب تجميل المنظر العام 🤔
بصيت للوجه في انتظار شكل معين ،،في انتظار شكل مظلم ،،،
تظهر عليه ملامح الإرهاق والتعب و أحياناً ملامح الخوف و الرعب،،،لكن لا…ماكانش كدة
ماكانش كدة ابداً…. وشها مريح جداً
ملامحها العربية المميزة 
هادية جدا..عينيها مغمضة في هدوء😔
وشها تبدو عليه معالم الارتياح عكس المتوقع …هو دة الي حابب انكم تعرفوه
طول فترة التشريح الطبيب الشرعي في صراع مع نفسه
صراع مع مجموعة كبيرة جدا من التخيلات و الأفكار لحد ما يوصل للفكر اليقيني اللي مستحيل يكون خطأ و يكون مدعم بكافة الأدلة و القرائن المادية التي لا تقبل الشك…و للسبب ده..بردو بخلي الوجه للاخر لأني بعتبرها وسيلة تأكيد معنوي ليا أنا مش أكتر 
دايما الجثة علي ترابيزة التشريح مستلقاة علي ظهرها والوجه في المنتصف،،،يحدث أحيانا مع بداية زوال التيبس الرمي أن تميل الرأس علي أحد الجانبين اثناء التشريح 
في غمرة تفكيري العميق وتركيزي مع ملامح الوجه الهاديء
و صوت دندنات شعبان المزعجة و هو بيحضر أدوات التشريح و انا بفكر،،،و فجأة زي مانا قلت ممكن الراس تميل يمين أو شمال 
لكن ما شفتش أبدا إن الراس تتحرك ببطء أو بهدوء حركة صغيرة ناحية الشمال ثم لليمين بحركة بسيطة
ثم للشمال مرة أخري 
ثم تميل علي جانبها الأيمن
عارف كدة لما تشير بوجهك بعلامة الرفض لكن ببطء

و كأن العضلات كانت بتفك التيبس الرمي علي مراحل فخرجت حركة الوجه بصورة رفض لكل ما يدور حولها،،،
أو يمكن رفض التفكير والقناعة الي انا وصلت ليها خاصة مع وجهها الهاديء وملامحها المحببة لأي ناظر… 
البنت دي بريئة،،،قولتها لشعبان إللي إلتفتلي و قال إللي تشوفه يا رياسة… قلت بريئة تبقي بريئة مبروك يا ست البراءة 😂… في بلااهة و استفزاز معتاد
بدأت التشريح ،،الوجه و العنق مفيش أي شيء غريب 
الرأس فيه شوية أوديما بسيطة علي المخ (تجمع ماء)
الصدر،،،الرئتين كويسين
القلب،،في حالة مرضية واضح انها قديمة عبارة عن ارتجاع في الصمام الميترالي وكمان ضيق في الشرايين التاجية
و دة يفسر سبب وفاتها سواء مع المخدرات أو العلاقة الجنسية
البطن…كل الأعضاء طبيعية تماماً أخدت عينة بول من المثانة و فحصتها فحص مخدرات باستخدام شريط سريع و كانت النتيجة صاعقة،،😔
تخلوا العينة من جميع انواع المخدرات 😳
الموضوع بدأ يقفل 
و بفحص المنطقة التناسلية تبين انها عذراء لم يسبق لها ممارسة اي علاقة جنسية
اخدت عينات معدة و كبد و DNA
قعدت علي كرسي أمام الجثة في تفكير عميق يمتد إلي مدة ساعة لم يوصلني لأي شيء
خلاص بكرة ابعت المعمل يفحص بدقة يقولي البنت دي كانت آخدة حقنة إيه بالظبط.. لازم احددله مجموعة أدوية.. هحدد ايه.. 
مثلا مضاد حيوي؟؟وبسبب مرض القلب الي كان عندها ماتت؟؟طيب مين رماها و رماها ليه؟؟
طيب و الجروح دي؟؟مش جروح حجامة ابداً
و لا اماكن الحجامة،،وفين ملابسها الداخلية؟؟
وعلامة الرفض الي اشارتلي بيها فمنتهي الوضوح ؟؟؟تفكير طويل متواصل
شعبان بدا يخيط الجثة و هو ملاحظ حيرتي و انشغالي ،،🤔
و بيقولي عرفت بئا أنا جيبتك ليه يا رياسة؟؟ما هو انا ليا نظرة فالحالة كدة 😁
اشوفها اقول مين يشتغلها والله لو تعرفوا قيمتي لا تمسكوني وزير عدل 😁
قولتله طيب اسكت يا شعبان بدل ما امسكك حاجة تاتية دلوقتي 😏
خلص تخييط الجثة وانا دماغي بتودي وتجيب جت جثتين كمان وانا مش قادر اوصل لشيء
شعبان استلم الجثتين
اللي واضح ان ريحتهم قلبت المشرحة تماماً ومكانتش ناقصاهم😔
و المجنون جاي يقولي شميت يا رياسة ولا أجيبهوملك هنا؟؟؟
قولتله شميت😤… دول ايه ظروفهم بأ ؟؟
قال بخ و عو و كدهو😁
قولتلو ازاي يعني قال دول اتنين واحد فيهم معروف في منطقته انه بتاع اعمال و دجال و التاني كان رايحله علشان يعالجه وماتوا وريحتهم طلعت سواق الاسعاف بيقول انهم راوشينه طول الطريق يحطوا ايدهم علي ايد بعض وكان هيعمل كام حادثة بسببهم😌
قولتله هاتهم هاتهم😋
جابهم،،،القاعه عندنا فيها ترابيزتين تشريح
البنت العربيه علي ترابيزة منهم
شعبان عاوز يوديهم القاعة الفاضية
وانا عاوز افضل جنب البنت لسبب غريب 
قولتله لا
هاتهم الاتنين هنا
واحد علي ترابيزة و واحد علي تروللي الجثث جنب بعض 
بصيت للجثتين واضح انهم في حالة متقدمة من التعفن
و واضح ان مفيش اصابات تماما
طلعت اتكلم مع الاهل لقيت اهل الراجل اللي كان رايح يتعالج و دار حوار بيني وبينهم..
للأمانة 
دماغي طول الوقت مع البنت العربية مش مركز في اي شيء تاني…حاولت أسأل حد من أهل المتوفي كلهم ماكانوش يعرفوا أي شيء و ان بنته جاية في الطريق و هي الي تعرف عنه كل حاجة….
دخلت لقيت شعبان بيتكلم مع جثة منهم و هو بيشيل أيده و بيحطها جنبه و بيقوله بلاش كدة خليني أخلص و امشي قبل ما هشام ييجي 😂
قولتله انت بتكلم مين؟
قالي الراجل الطيب ده كل شوية يحرك إيده و يجيبها عالجثة الي جنبه😄
بصيت علي الورقه الي ادام كل جثمان منهم فيها بياناته … عرفت ان اللي حرك ايده هو الدجال
انا ماليش مزاج اشرح دلوقتي 😒
و في نفس الوقت مش عاوز اطلع من القاعة قبل ما اوصل لحاجة في موضوع البنت العربية…
بدأت آخد صور من بعيد و مش مركز اطلاقاً… 
و انا بصور ظهر في الصورة اللي تحت كدة الدجال ايده اتحركت تاني😒…. و شعبان بيعدل الجثة الأولي 
ايد الدجال خبطت في شعبان من ورا😂
الصورة طلعت باينة جداً شعبان بيلف للدجال وبيقوله عم الحاج عيب دا حنا رجالة اوي عيب 😄ماتزعلنيش منك 
احنا جايين نشتغل و لا جايين ن*****😂
فاصل من الضحك و دماغي كلها مازالت مع البنت والشيخ سعيد جاي و بيقول ان بنت الراجل جت و شعبان بيقول للشيخ سعيد تعالي والنبي يا مولانا اقف ادام الجثة دي و أديها ضهرك علي ماخلص😄
طلعت للبنت 
انا عارف اني مش هشرح وهسيب الجثتين دول للدكتور الي جاي الصبح بس بضيع وقت
وانا بفكر في موضوع البنت قلت اسمع قصة دول بالمرة👌🏻
و لأن المشرحة مكان خارج الاطار الطبيعي للزمن 
مكان خارج اي توقعات او تنبؤات ..خارج اي نهج علمي بحت بدون ما ورائيات ..لازم تجيلك الاشارة.. 
مفيش اي حالة قتل في العالم بدون اشارات:؛ دي قناعتي الشخصية
و الفرق بين دكتور و دكتور في العالم كله ان فيه دكتور بيلقط الاشارات و دكتور عقله لا يستوعب مدي براعة الجثث و القدر في ايصال المعلومة 😇
بالمناسبة…اعتي اطباء التشريح في العالم مؤمنين بكلامي ده و من اعلاهم دكتور ابو بكر مصطفي رئيس قسم الطب الشرعي في سان دييجو عاصمة كاليفورنيا
وهو مصري مهاجر من السبعينات 
وشخصية رائعة كان ليه الفضل في تعليمي استقبال الإشارات… 
خرجت للبنت ودماغي كلها مع البنت اللي جوة مش اللي بره… 
مع اللي بتشاور.. مش اللي بتتكلم
البنت قالت ان ابوها كان بيعاني من مرض الحصوات في المرارة وكل علاج الأطباء فشل و قالوا ليه لازم جراحة وهو بيخاف من الجراحة علشان عنده السكر و الجروح لا تلتئم بسرعة فقالي انا هروح عند الشيخ عادل و اخد اكلة سمك من التلاجة عندنا السمك دة كان بايت من زمان و ماكنتش اعرف انه فاسد وباظ و راح للدجال لانه عارفه كويس علشان يعالجه و اكلوا السمك و الشرطة لقيت صينية السمك جنبهم و واضح انه جابلهم تسمم وانا كنت سافرت بلد جوزي ومكنتش كلمت ابويا من يومها و هو اصلاً مالوش غيري في الدنيا و اتصلوا بيا قالوا انهم لقيوا جثته فأنا جيت جري ..
واضح ان كلامها منطقي
و ان الشرطة فعليا لقيت صينيه سمك متاكل جنبهم
قضية عينات هاخدها و خلاص..
رجعت القاعة الشيخ سعيد ماسك ايد الجثة عالترابيزة كويس و شعبان بيقول ها يا رياسة ماتوا ليه؟🤓
رديت وانا دماغي في حتة تانية خالص
قولتله راح لدجال يعالجه من المرارة علشان مايعملش جراحة اصل جروح العملية بتضايقه 😏
قلت اخر ٤ كلمات ببطء رهيب و انا دماغي بتلف ناحية البنت العربية
رميت الورق الي في ايدي و روحت ليها 
فوراً
شيلت الملاية بصيت عالجروح و خبطت علي دماغي😳
راحت مني فين دي؟
بدات اتكلم بصوت عالي
البنت دي كانت بتعمل شفط دهون وماتت في عيادة او مستشفي والحقنة اللي في ايديها دي ماكانتش مخدرات دي تخدير عمليات 
علشان كده كانت قالعة هدومها
قلتها وانا بعمل حركة رونالدو لما بيجيب جون 🙌🏻
سيبتهم و مشيت
شعبان بيقولي طيب والجثتين دول يا رياسة؟قلتله شم انت فيهم طول الليل و قول لصلاح يشتغلهم لما ييجي الصبح 💀
روحت المكتب وانا في قمة السعادة
روحت اكلم رئيس المباحث لقيته رانن عليا ٣مرات 
اتصلت بيه 
مستني اقوله النتيجة
قولتله مش مصرية غالبا عربية
قالي والله قلت كدة
قلتله كانت بتعمل جراحة شفط دهون غالبا ماتت في العمليات و رموها
نزلت عليه صاعقة🙀
قالي يعني مش شمال؟
قولتله مش شمال اطلاقاً
قالي ادور في المستشفيات؟
قلتله مش شرط عيات كتير بتعملها
تالت يوم طلعت نتيجة المعمل وانا كنت بعتت اسال بالذات عن تخدير العمليات صعب جدا انك تحدد مادة موجودة فالدم من جميع المواد اللي فالدنيا… لكن انا كنت محددله يدور علي تخدير العمليات و طلعت البنت واخدة مخدر عمليات جراحية
المباحث قدرت تحدد شخصية البنت عن طريق فحص السفارات عن تاشيرات علاجية لاشخاص نزلوا مصر بمفردهم بغرض العلاج او السياحة خاصة بنت في سن العشرينات.. 
حددوا البنت طلعت هي…. تواصلوا مع صاحبتها برة مصر قالت انها كانت جاية تعمل جراحة شفط دهون عند احد الاطباء اللي شافت اعلانه عن النت لكن صاحبتها مش عارفاه
بدا البحث في عيادات اطباء التجميل الي بيشتغلوا الحالات دي 
وليهم اعلانات علي النت 
وصلوا لطبيب من اللي بيعملوها تحت بير السلم كده… البواب قال انه شافه من كام يوم هو والممرض الي معاه شايلين حاجة في كيس اسود كبير قصاد بعض وحطوها في شنطة عربية الدكتور و خدوها و مشيوا
كاميرات التصوير في محيط المنطقة اثبتت انهم اتحركوا في اتجاه طريق القاهرة السويس الصحراوي 
الطبيب اعترف قال ان دكتور التخدير اتأخر 
فادالها هو بنفسه حقنه المخدر وبدا يشتغل…. البنت ماتت خاف عيادته تتشمع بالشمع الاحمر….. ادي للممرض ٥ الاف جنيه و خدها رماها علي طريق القاهرة السويس الصحراوي واعتمد علي انها مش مصرية ومحدش هيدور وراها….. 
الطبيب اخد حكم ٥ سنين للاهمال الطبي و ٧ سنين جريمة اخفاء جثمان وعزل من الوظيفة وشطب من نقابة الاطباء والممرض ٧ سنين
اما الحالتين التانيين كانوا فعليا تسمم غذائئ من سمك فاسد و ادوا دورهم فعليا بمنتهي الكفاءة…… ٣ ايام في مكانهم متعفنين علشان بنت واحد فيهم تيجي تلفت نظري للتدخل الجراحي 
يمكن لو كانوا جم بدري ساعتين تلاته او متاخر ساعتين تلاته مكانتش دماغي اطلاقا راحت للعمليات الجراحية…. اذاً مش بس الموتي هما الي بيشيروا بس لسبب موتهم… ده احيانا القدر كله بيدير الامر ببراعة لكشف جريمة ما وتبرئة شخص ما وفضح شخص ما….. مش بس الموتي يتحدثون ايضا…. دة كمان الاقدار بتقول كلمتها لكشف جريمة معينة… و كلمتها دامغة… و كلمتها هي العليا… معظمنا بيعتبرها مصادفة… لكنها التوقيع الذي يقر الله به مشيئته..

مقالات ذات صلة

زر الذهاب إلى الأعلى