قصص رعب

ححكي عن حاجه ناس قليله من القريبين مني بس اللي يعرفوها وأول مره اكتب عنها اساسا …

ححكي عن حاجه ناس قليله من القريبين مني بس اللي يعرفوها وأول مره اكتب عنها اساسا وكنت متردده لانها متتقارنش بالمواقف اللي بقراها عن اللي بيحصلكم هنا
أولاً بسم الله
كل ماادخل مكان من صغري كنت بحس بعمار البيت اللي فيه وإذا كانوا طيبين ولا
وجت فتره كنا في بيت جدتي بسبب تعب امي الله يرحمها
والبيت ده عمري مارتحتله ولا ارتحت فيه لدرجه اني لما ابص ع العماره من بره بحس كأنها مطفيه أو في غيامه عليها ومش كتير لما أحس أو اشوف ده علي بيت كامل عموما
ندخل في اللي حصل
اسكندريه..
2015..
كنت في 3 ثانوي وقبل اول ماده بيومين بالظبط كنا في بيت جدتي وصليت الفجر وطفيت النور وقفلت الباب وجيت انام مجرد ما اتغطيت حسيت بجسمي كله متكتف إلا راسي وكأني بقع من دور عالي أو في حقل مغناطيسي قوي ومش حاسه بالأرض حتي ولساني مبيتحركش و لقيت الأوضه بتلف جامد وفي رجلين لناس كتير بتلف حواليا وبما اني كنت نايمه ع الأرض كنت شايفه حركه رجليهم لما بتقطع النور اللي داخل من تحت الباب ومره واحده كل ده ثبت ولاقيت صوت ضخم بيقولي أتمنى اي حاجه حعملهالك ومكنتش فاهمه في أي
المهم فكرت في امتحان العربي اللي هو أول ماده وقالي ع حاجات محدده حتيجي وبعدها لقيت التكتيف راح وقومت كتبتهم وبعدها لما دخلت الامتحان مالقتش كلمه واحده من اللي كتبته وطبعا اطمنت لغايه ما روحت درس الماده اللي بعدها ولقيت المدرس بيقول أن بسبب تسريب النماذج احنا اخدنا النموذج ال 5 تقريبا وكان معاه النماذج ال4 الأولي
وكانت الصدمة لما لقيت أن النموذج الأول هو اللي كنت كتباه
المهم
ده يعتبر موقف تافه من حاجات كتير شوفتها ف البيت ده بس من ساعتها إيماني زاد بفكره أن قدرتهم محدوده جدا
(لو اجتمع الجن والانس أن ينفعوك لن ينفعوك إلا بشئ قد كتبه الله لك)ونفس الكلام للضرر
ونصيحة متخافوش لأنهم بيتغذوا ع خوفنا وبيبقا مدخل ليهم
ثقوا في ربنا عز وجل ثم في نفسكم

ربنا يعلم ان كل ده حصل بالحرف
#ربنا_يحفظنا_ويحفظكم_من_كل_سوء .


speakol

مقالات ذات صلة

زر الذهاب إلى الأعلى